Saturday, April 25, 2009

-Gar ye mumkin ho sitaroN se dosti ker looN

Gar ye mumkin ho sitaroN se dosti ker looN,
Na doobe kashti kinaaroN se dosti ker looN.

Toote dil ko jo nacha de aisa woh saaz bata,
Hoke kaayal uskey taaroN se dosti ker looN.

Jinki aankhoN maiN samander si gehrayii ho,
Unki aankhoN ke ishaaroN se dosti ker looN.

YuiN hi ab gam ke taraanoN ko de sur koi ,
Aise hi virle fankaroN se dosti ker looN.

Koi dushman agar dosti ki raheiN dekhe,
Aise hi tooti diwaaroN se dosti ker looN.



Harash

Beh'r 
2122 1122 1122 22/112

No comments:

Post a Comment